ਮਨਹੋਰ ਸ਼ਖਸ਼ੀਅਤ
Writing ਮਨਮੋਹਕ ਸ਼ਖ਼ਸੀਅਤ (Personality) ਮਨਮੋਹਕ ਸ਼ਖ਼ਸੀਅਤ (Golden Personality) ਦੀ ਪਹਿਚਾਣ ਉਸ ਦੀ ਗੁਫ਼ਤਾਰ, ਰਫ਼ਤਾਰ ਅਤੇ ਦਸਤਾਰ ਤੋਂ ਹੁੰਦੀ ਹੈ। ਗੁਫ਼ਤਾਰ ਦਾ ਅਰਥ ਹੈ ਬੋਲਬਾਣੀ, ਰਫ਼ਤਾਰ ਦਾ ਅਰਥ ਹੈ ਉਸ ਦੀ ਚਾਲ-ਢਾਲ ਅਤੇ ਕੰਮ ਕਰਨ ਦਾ ਤਰੀਕਾ, ਜਦਕਿ ਦਸਤਾਰ ਦਾ ਅਰਥ ਹੈ ਪੱਗੜੀ, ਜੋ ਜ਼ਿੰਮੇਵਾਰੀ, ਇੱਜ਼ਤ ਅਤੇ ਸ਼ਾਨੋ-ਸ਼ੌਕਤ ਦਾ ਪ੍ਰਤੀਕ ਹੈ। ਇਸ ਲੇਖ ਵਿੱਚ ਅਸੀਂ ਕੇਵਲ ਪੱਗੜੀ ਬਾਰੇ ਵਿਚਾਰ ਕਰਾਂਗੇ। ਪੱਗੜੀ ਨੂੰ ਸਜਾਉਣ ਅਤੇ ਸਿਰ ਉੱਤੇ ਬੰਨ੍ਹਣ ਦੀ ਕਲਾ ਦੇਖ ਕੇ ਪੁਰਾਣੇ ਸਮਿਆਂ ਵਿੱਚ ਕਿਸੇ ਵਿਅਕਤੀ ਦੀ ਸ਼ਖ਼ਸੀਅਤ, ਵਫ਼ਾਦਾਰੀ ਅਤੇ ਸਲੀਕੇ ਦਾ ਅੰਦਾਜ਼ਾ ਲਗਾਇਆ ਜਾਂਦਾ ਸੀ। ਪੱਗੜੀ ਅੱਜ ਵੀ ਭਾਰਤ ਵਿੱਚ ਬਹੁਤ ਮਾਣ-ਸਤਿਕਾਰ ਨਾਲ ਸਜਾਈ ਜਾਂਦੀ ਹੈ। ਵਿਆਹ ਸਮੇਂ ਲਾੜਾ ਗੁਲਾਬੀ ਰੰਗ ਦੀ ਪੱਗੜੀ ਪਹਿਨਦਾ ਹੈ। ਹਿੰਦੂ ਬਜ਼ੁਰਗ ਨਾਗਰਿਕ ਅੱਜ ਵੀ ਚਿੱਟੇ ਰੰਗ ਦੀ ਪੱਗੜੀ ਪਹਿਨਦੇ ਹਨ ਅਤੇ ਆਪਣੀ ਪਰੰਪਰਾ ਅਨੁਸਾਰ ਇਹ ਪੱਗੜੀ ਅਗਲੀ ਪੀੜ੍ਹੀ, ਖ਼ਾਸ ਕਰਕੇ ਆਪਣੇ ਪੁੱਤਰ ਨੂੰ ਸੌਂਪਦੇ ਹਨ। ਰਾਜਸਥਾਨ ਵਿੱਚ ਰੰਗ-ਬਿਰੰਗੀਆਂ ਪੱਗੜੀਆਂ ਪਹਿਨਣ ਦਾ ਰਿਵਾਜ ਹੈ। ਫ਼ੌਜ ਅਤੇ ਪੁਲਿਸ ਵਿੱਚ ਵੀ ਅੱਜ ਤੱਕ ਪਰੇਡ ਸਮੇਂ ਪੱਗੜੀ ਬੰਨ੍ਹੀ ਜਾਂਦੀ ਹੈ। ਗੀਤਕਾਰ ਅਕਸਰ ਵੱਡੇ ਤੁਰਲੇ ਵਾਲੀ ਪੱਗੜੀ ਬੰਨ੍ਹਦੇ ਹਨ। ਪੰਜਾਬੀ ਭੰਗੜਾ ਪਾਰਟੀ ਵੀ ਪੱਗੜੀ ਤੋਂ ਬਿਨਾਂ ਅਧੂਰੀ ਲੱਗਦੀ ਹੈ। ਇਤਿਹਾਸ ਤੋਂ ਪਤਾ ਲੱਗਦਾ ਹੈ ਕਿ ਪੀਰ, ਪੈਗੰਬਰ ਅਤੇ ਭਗਤ ਵੀ ਪੱਗੜੀ ਪਹਿਨਦ...